तोलामा एक हजार रुपैयाँले घट्यो सुनको मूल्य

नेपाल बजारमा आज सुनको मूल्य ह्वात्तै घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक हजार रुपैयाँले घटेर १ लाख ८ हजार ८०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ८ हजार ३०० रुपैयाँ कायम भएको छ ।

महासंघका अनुसार आज चाँदीको मूल्य पनि तोलामा १० रुपैयाँले घटेको छ ।
यससँगै, आज चाँदी प्रतितोला १३ सय ५० रुपैयाँमा कारोबार भइरहेको छ ।