सेयर बजारमा सीमित व्यक्तिको चलखेल बढ्यो : अर्थमन्त्री महत

अर्थमन्त्री डा. प्रकाश शरण महतले सेयर बजारमा सीमित व्यक्तिले चलखेल गरी बढाउने/घटाउने काम गरिरहेको बताएका छन् । बिहिबार नेपाल धितोपत्र बोड (सेबोन) को ३१ औं वार्षिकोत्वसको कार्यक्रममा बोल्दै अर्थमन्त्री महतले सेयर बजारलाई सीमित व्यक्तिहरुले मात्रै फाइदा लिने माध्यमको रुपमा लिन नहुने बताएका हुन् ।

‘सीमित व्यक्तिले चलखेल गरी बजार बढाउने/घटाउने काम भइरहेको रहेछ, उनीहरूका गतिविधिले आम सर्वसाधारण लगानीकर्ताले नोक्सानी बेहोरिरहेका छन,’ उनले भने, ‘यसलाई निस्तेज पार्न धितोपत्र बोर्ड लाग्नुपर्छ । सीमित व्यक्तिलाई मात्र लाभ पुग्ने गरी बजार सञ्चालन हुन दिनु हुँदैन ।’

यस्तै, धितोपत्र बोर्डले सेयर बजारलाई प्रतिस्पार्धात्मक बनाउने निति ल्उाउनुपर्ने बताउँदै उनले भने, ‘पुँजीबजारलाई अब प्रतिस्पर्धाको रुपमा लैजानुपर्छ, र धितोपत्र बोर्डले समेत अब शेयरबजारलाई प्रतिस्पर्धात्मक बनाउने नीति लिनुपर्छ ।’