तोलामा आठ सयले बढ्यो सुनको मूल्य

नेपाली बजारमा आज सुनको मूल्य आठ सय रुपैयाँले बढेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ८०० रुपैयाँले बढेर १ लाख १२ हजार ५०० रुपैयाँ पुगेको छ । त्यस्तै, तेजावी सुनको मूल्य प्रतितोला १ लाख ११ हजार ९५० रुपैयाँ कायम गरिएको छ ।

महासंघका अनुसार आज चाँदीको मूल्य पनि तोलामा ४० रुपैयाँ बढेर १४ सय ५५ रुपैयाँ कायम भएको छ । बिहीबार चाँदी प्रतितोला १४ सय १५ रुपैयाँमा कारोबार भएको थियो ।