धनगढी उडेको श्री एयरलाइन्सको जहाजमा समस्या देखिएपछि काठमाडौं फिर्ता

धनगढीका लागि उडेको श्री एयरलाइन्सको जहाजमा समस्या देखिएपछि काठमाडौं फर्किएको छ ।

आइतबार बिहान त्रिभुवन अन्तर्राष्ट्रिय विमानस्थलबाट धनगढीका लागि उडेको श्रीको जहाजमा समस्या आएपछि आकाशबाटै काठमाडौं फिर्ता भएको हो ।

विमानस्थलका अनुसार बिहान ७:५० मा उडेको सो जहाज ८:२० मा पुन काठमाडौंमा नै अवतरण भएको थियो । सो जहाजमा सवार ७९ जना यात्रुलाई अर्को जहाजबाट धनगढी पठाउने तयारी भइरहेको बताइएको छ।