सुनचाँदीको मूल्य बढ्यो, कतिमा हुँदैछ कारोबार

सोमबार नेपाली बजारमा सुनचाँदीको मूल्य बढेको छ ।

नेपाल सुनचाँदी व्यवसायी महासंघका अनुसार सोमबार छापावाल सुन प्रतितोल २०० रुपैयाँले बढेर १ लाख १० हजार ४०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ९ हजार ८५० रुपैयाँ कायम भएको छ ।

महासंघका अनुसार आज चाँदीको मूल्य पनि तोलामा १५ रुपैयाँले बढेर १३ सय ६५ रुपैयाँ कायम भएको छ । आइतबार चाँदीको प्रतितोला १३ सय ५० रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस १ हजार ९२५.२२ डलरमा कारोबार भइरहेको छ भने चाँदी प्रतिऔंस २२.७३ डलरमा कारोबार भइरहेको छ ।