तोलामा ५ सय रुपैयाँले बढ्यो सुनको मूल्य

सुनको नेपाली अजारमा आज सुनको मूल्य बढेको छ ।

नेपाल सुनचाँदी व्यवसायी महासंघका अनुसार आज सुन प्रतितोला ५०० रुपैयाँले बढेर १ लाख १२ हजार ७०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख १२ हजार १५० रुपैयाँ निर्धारण भएको छ ।

महासंघका अनुसार बुधबार चाँदीको मूल्य पनि तोलामा १० रुपैयाँले बढेर १४ सय ६५ रुपैयाँ कायम भएको छ । मंगलबार चाँदी प्रतितोला १४ सय ५५ रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस १ हजार ९६३.४८ डलरमा र चाँदी प्रतिऔंस २४.६१ डलरमा कारोबार भइरहेको छ ।