तोलामा ९ सयले घट्यो सुनको मूल्य

नेपाली बजारमा आज सुनको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ९०० रुपैयाँले घटेर १ लाख १२ हजार ६०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख १२ हजार ५० रुपैयाँ कायम भएको छ ।

महासंघका अनुसार आज चाँदीको मूल्य पनि तोलामा ४० रुपैयाँले घटेर १४ सय ५० रुपैयाँमा किनबेच भइरहेको छ । बिहीबार चाँदी प्रतितोला १४ सय ९० रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस १ हजार ९५२.१२ डलरमा र चाँदी प्रतिऔंस २४.२२ डलरमा कारोबार भइरहेको छ ।