सुनचाँदीको मूल्य वृद्धि, तोलाको कति ?

नेपाली बजारमा आज सुनको मूल्य बढेको छ ।

नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला ३०० रुपैयाँले बढेर १ लाख १२ हजार ९०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख १२ हजार ३५० रुपैयाँ कायम भएको छ ।

महासंघका अनुसार आइतबार चाँदीको मूल्य पनि तोलामा ५ रुपैयाँले बढेर तोलाको १४ सय ५५ रुपैयाँ पुगेको छ । शुक्रबार चाँदी प्रतितोला १४ सय ५० रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस १ हजार ९५९.२४ डलर र चाँदी प्रतिऔंस २४.३४ डलरमा कारोबार भइरहेको छ ।