प्रतितोला १ लाख १३ हजार रुपैयाँ पुग्यो सुनको मूल्य

नेपाली बजारमा आज सुनको मूल्य तोलामा चार सय रुपैयाँले बढेको छ ।

नेपाल सनचाँदी व्यवसायी महासंघका अनुसार आज छापावाल सुन प्रतितोला ४०० रुपैयाँले बढेर १ लाख १३ हजार रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख १२ हजार ४५० रुपैयाँ कायम भएको छ ।

महासंघका अनुसार आज चाँदीको मूल्य पनि तोलामा २५ रुपैयाँले बढेर १४ सय ७५ रुपैयाँ पुगेको छ । सोमबार चाँदीको प्रतितोला १४ सय ५० रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस १ हजार ९५९.८२ डलर र चाँदी प्रतिऔंस २४.६४ डलरमा कारोबार भइरहेको छ ।