तोलामा ६ सयले घट्यो सुनको मूल्य

नेपाली बजारमा आज सुनको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ६०० रुपैयाँले घटेर १ लाख १२ हजार ४०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ११ हजार ८५० रुपैयाँ कायम भएको छ ।

महासंघका अनुसार आज चाँदीको मूल्य पनि तोलामा १५ रुपैयाँले घटेर १४ सय ६० रुपैयाँ पुगेको छ । मंगलबार चाँदी प्रतितोला १४ सय ७५ रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस १ हजार ९४६.६ डलर र चाँदी प्रतिऔंस २४.३२ डलरमा कारोबार भइरहेको छ ।