सुनचाँदीको मूल्य घट्यो, तोलाको कति ?

नेपाली बजारमा सुनचाँदीको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २०० रुपैयाँले घटेर १ लाख १२ हजार २०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ११ हजार ६५० रुपैयाँ कायम भएको छ ।

महासंघका अनुसार आज चाँदीको मूल्य पनि तोलामा ३५ रुपैयाँले घटेर १४ सय २५ रुपैयाँमा किनबेच भइरहेको छ । बुधबार चाँदी प्रतितोला १४ सय ६० रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस १ हजार ९३४.८७ डलर र चाँदी प्रतिऔंस २३.६४ डलरमा कारोबार भइरहेको छ ।