हुण्डाईको ‘हुइल्स अफ चेन्ज’ अफर सार्वजनिक

नेपालमा हुन्डाई गाडीहरूको आधिकारिक वितरक, लक्ष्मी इन्टरकन्टिनेन्टल प्रालीले ‘हुइल्स अफ चेन्ज’ नामक एक्सचेन्ज अफर योजना ल्याएको छ । श्रावण १८ गते बाट सुरु हुने यो योजना हुण्डाई नेपाल अन्तर्गतको हुन्डाई प्रमिसको सहकार्यमा ५ प्रतिष्ठित कार एक्सचेन्ज विक्रेताहरूसँगको साझेदारीमा ल्याइएको हो ।

आफ्नो कुनै पनि ब्राण्डको गाडी ल्याएर हुण्डाईको उत्कृष्ट, गुणस्तरीय र विश्वसनीय इन्धनयुक्त वा विद्युतीय उत्पादनसँग एक्सचेन्ज गर्न सकिने कम्पनीले जनाएको छ । हुण्डाईले ग्राहकहरूको आवश्यकता र सन्तुष्टिलाई ध्यानमा राखी हुइल्स अफ चेन्ज योजना ल्याएको जनाएको छ ।

जसअन्तर्गत काठमाडौँ अटोमोबाइल सेन्टर, बाबा बसेरा अटो ग्रुप प्रा.ली., आर के अटो सेन्टर, श्रेया अटो इन्टरप्राइजेज र रेसिङ्ग अटो मोबाइल इन्टरप्राइजेज गरी ५ प्रतिष्ठित एक्सचेन्ज पार्टनर्सहरुसँग सहकार्य गरेको छ । यो योजना नेपालभरीनै लागू हुने भएकोले उपत्यका बाहिर यो योजनामा सहभागी हुन आफ्नो नजिकैको हुण्डाईको शोरुममा जान सकिने कम्पनीले जनाएको छ ।

यो योजनाले ग्राहकहरूले हुण्डाईका मोडलहरूमा पाँच लाख रुपैयाँसम्मको नगद छुट, एक लाख ५० हजार रुपैयाँ सम्मको एक्सचेन्ज बोनस र २५ हजार रुपैयाँसम्मको एसेसरिज पनि प्राप्त गर्न सक्नेछन् । एक्सचेन्ज पार्टनर र हुण्डाई शोरुममा गएर हुण्डाई गाडीको टेस्ट ड्राइभ गरी आकर्षक उपहारहरू पनि जित्न सकिने कम्पनीले जनाएको छ ।

यस एक्सचेन्ज योजनामा सहभागी भई उत्कृष्ट प्रविधिद्वारा निर्मित र विभिन्न अन्तर्राष्ट्रिय पुरस्कारबाट सम्मानित भइसकेका हुण्डाईका कम्प्याक्ट एसयुभी, एसयुभी, इभी तथा ह्याचब्याक मध्येबाट आफ्नो रोजाई र आवश्यकता अनुसार छनौट गर्न सक्नेछन् । सबै हुन्डाईका गाडीमा ३ वर्ष वारेन्टी र ६ वर्षको फ्री सर्भिसिङ्ग उपलब्ध छ ।

लक्ष्मी इन्टरकन्टिनेन्टल प्रा.ली. ले नेपाल भरी १७ शोरुमहरु तथा १९ सर्भिस सेन्टरहरु ४३ चार्जिङ्ग पोइन्टसहरु मार्फत ग्राहकहरूलाई सेवा प्रदान गरिरहेको छ । हुन्डाई मोटर कम्पनी विश्वकै ५ ठूला अटोमोबाइल उत्पादक मध्येमा पर्दछ ।