सुनचाँदीको मूल्य स्थिर

शुक्रबार नेपाली बजारमा सुनचाँदीको मूल्य स्थिर रहेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १२ हजार २०० रुपैयाँमा कारोबार भइरहेको छ । त्यस्तै, तेजावी सुनको मूल्य पनि १ लाख ११ हजार ६५० रुपैयाँ कायम रहेको छ । शुक्रबार चाँदीको मूल्य पनि स्थिर रही तोलाको १४ सय २५ रुपैयाँमा किनबेच भइरहेको छ ।

अन्तर्राष्ट्रिय बजारमा आज सुन प्रतिऔंस १ हजार ९३४.६८ डलर र चाँदी प्रतिऔंस २३.५४ डलरमा कारोबार भइरहेको छ ।