सुनको मूल्य घट्यो, चाँदीको स्थिर

आइतबार नेपाली बजारमा सुनको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १०० रुपैयाँले घटेर १ लाख १० हजार ३०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ९ हजार ७५० रुपैयाँ कायम गरिएको छ ।

महासंघका अनुसार आज चाँदीको भाउ भने स्थिर रहेको छ । आइतबार चाँदी प्रतितोला १३ सय ९० रुपैयाँमा किनबेच भइरहेको छ ।

अन्तर्राष्ट्रिय बजारमा आज सुन प्रतिऔंस १ हजार ८८९.५२ डलर र चाँदी प्रतिऔंस २२.७५ डलरमा कारोबार भइरहेको छ ।