सुनचाँदीको मूल्य घट्यो, तोलाको कति ?

मंगलबार नेपाली बजारमा सुनको मूल्य घटेको छ ।

नेपाल सुनचाँदी व्यवसायी महासंघका अनुसार मंगलबार छापावाल सुन प्रतितोला ३०० रुपैयाँले घटेर १ लाख १२ हजार ७०० रुपैयाँमा कारोबार भइरहेको छ । त्यस्तै, तेजावी सुनको मूल्य १ लाख १२ हजार १५० रुपैयाँ निर्धारण भएको छ ।

महासंघका अनुसार आज चाँदीको मूल्य पनि प्रतितोला २० रुपैयाँले घटेर १४ सय ४५ रुपैयाँ कायम भएको छ । सोमबार चाँदी प्रतितोला १४ सय ६५ रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस १ हजार ९३८.५२ डलरमा र चाँदी प्रतिऔंस २३.८८ डलरमा कारोबार भइरहेको छ ।