सुनको मूल्य स्थिर, चाँदीको घट्यो

बिहिबार सुनको मूल्य स्थिर रहेको छ ।

नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला १ लाख ११ हजार २०० रुपैयाँ कायम रहेको छ । यसैगरी, तेजावी सुनको मूल्य तोलाको १ लाख १० हजार ६५० रुपैयाँ कायम भएको छ।

महासंघका अनुसार आज चाँदीको मूल्य भने प्रतितोला ५ रुपैयाँले घटेर १३ सय ८५ रुपैयाँ पुगेको छ । बुधबार चाँदीको प्रतितोला १३ सय ९० रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस १ हजार ९०९.६४ डलरमा र चाँदी प्रतिऔंस २२.७५ डलरमा कारोबार भइरहेको छ ।