प्रतितोला ६ सय रुपैयाँले बढ्यो सुनको मूल्य

काठमाडौं ।

साताको अन्तिम दिन सुनको मूल्य उकालो लागेको छ । नेपाल सुनचाँदी व्यवसायी महासंघका अनुसार सुनको मूल्य आज तोलामा ६ सय रुपैयाँले बढेको छ ।

आज छापावाल सुनको मूल्य एक लाख १० हजार एक सय र तेजावी सुनको मूल्य एक लाख ९ हजार ५ सय ५० रुपैँया पुगेको छ । तर,चाँदीको मूल्यमा सामान्य गिरावट आएको छ । आज चाँदीको मूल्य तोलामा ५ रुपैयाँले घटेको छ । चाँदी तोलामा १३ सय ४५ रुपयाँ कायम भएको छ ।

बिहीबार एक लाख ९ हजार ५ सयमा रुपैयाँमा कारोवार भएको छापावाल सुन आज ६ सयले वृद्धि भएको छ ।