नेपाल एलपी ग्यास उद्योग संघले भूकम्प प्रभावित परिवारलाई ग्यास प्रदान गर्ने भएको छ ।
संघका पदाधिकारीले आज प्रधानमन्त्री पुष्पकमल दाहाल ‘प्रचण्ड’सँग भेटवार्ता गर्दै प्रभावितलाई ग्यास प्रदान गर्ने प्रतिबद्धता व्यक्त गरेका छन् ।
यस्तै, तीन सय थान ग्यास सिलिण्डर आजै प्रभावित क्षेत्रमा पुर्याइने संघका अध्यक्ष शिवप्रसाद घिमिरेले जानकारी दिए । साथै सो अवसरमा उनले आवश्यकता अनुसार थप सहयोग गरी भूकम्प पीडीतलाई राहत उपलब्ध गराउने बताए ।
यसका साथै संघले प्रधानमन्त्री राहत कोषको खातामा ११ लाख एघार हजार एक सय ११ रुपैयाँ सहयोग जम्मा गरेको छ ।
सो भेटमा प्रधानमन्त्री दाहालले विपतको घडीमा एलपी ग्यास उद्योग संघले पुर्याएको सहयोगको प्रसंशा गरे ।
प्रधानमन्त्री दाहालसँगको भेटमा संघका अध्यक्ष घिमिरेले पेट्रोलियम ऐन जारी गर्नुपर्ने, नेपाल आयल निगमलाई सार्वजनिक निजी साझेदारी (पीपीपी) मोडलमा सञ्चालन गर्नुपर्ने लषायतका सुझाव दिए ।
प्रधानमन्त्री दाहालले विपद् व्यवस्थापनको काम सकिएपछि यस विषयमा छलफल गरिने प्रतिवद्धता जनाएको संघले जनाएको छ ।
प्रतिक्रिया