प्रतितोला ५ सय रुपैयाँले बढ्यो सुनको मूल्य

नेपाली बजारमा आज सुनको मूलय बढेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ५ सय रुपैयाँले बढेर १ लाख १६ हजार २०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख १५ हजार ६५० रुपैयाँ निर्धारण भएको छ ।

महासंघका अनुसार आज चाँदीको मूल्य पनि तोलामा ५ रुपौायाँले बढेको छ । आज चाँदी प्रतितोला १४ सय ५५ रुपैयाँमा कारोबार भइरहेको छ ।

अन्तर्राष्ट्रिय बजारमा आज सुन प्रतिऔंस १ हजार ९९१.६९ डलर र चाँदी प्रतिऔंस २३.७८ डलरमा कारोबार भइरहेको छ ।