३ अंकले घट्यो सेयर बजार, १ अर्ब १९ करोडको कारोबार

सोमबार सेयर बजार सामान्य अंकले घटेको छ । सेयर बजार परिसूचक नेप्से ३.४२ अंकले घटेर एक हजार ८४७.८१ विन्दुमा पुगेको छ ।

बैंकिङ ७, होटल तथा पर्यटन ९, जलविद्युत् २, उत्पादन १७, व्यापार १२, अन्य ८ र माइक्रोफाइनान्स उपसमूह १ अंकले घटेको छ । यस्तै, विकास बैंक १, फाइनान्स ८, जीवन बीमा ९८ र निर्जीवन बीमा उपसमूह ३४ अंकले बढेको छ ।

आज सबैभन्दा धेरै एनआरएन इन्फ्रास्ट्रक्चर एन्ड डेभलपमेन्ट र माउन्टेन इनर्जी नेपालको सेयर झन्डै १० प्रतिशतले घटेको छ । समग्र बजार घटे पनि आज समाज लघुवित्तको सेयर ८ प्रतिशतभन्दा धेरैले बढेको छ ।

यस दिन २९२ कम्पनीको ३८ लाख ९६ हजार कित्ता सेयर १ अर्ब १९ करोड रुपैयाँमा कारोबार भएको छ । सबैभन्दा धेरै सोनापुर मिनरल्स एन्ड आयल कम्पनीको ७ करोड ४६ लाख रुपैयाँको सेयर किनबेच भएको छ ।