सुनको मूल्य बढ्यो, तोलाको कति ?

नेपाली बजारमा आज सुनको मूल्य बढेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २०० रुपैयाँले बढेर १ लाख १८ हजार ६०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख १८ हजार ५० रुपैयाँ कायम भएको छ ।

महासंघका अनुसार आज चाँदीको मूल्य भने तोलामा २० रुपैयाँले घटेर १४ सय ६० रुपैयाँ कायम भएको छ । बुधबार चाँदीको प्रतितोला १४ सय ८० रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस २ हजार २६.३९ डलर र चाँदी प्रतिऔंस २३.८४ डलरमा कारोबार भइरहेको छ ।