एकैदिन २८ सयले बढ्यो सुनको मूल्य

नेपाली बजारमा आज सुनको मूल्य २८ सय रुपैयाँले बढेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २८ सय रुपैयाँले बढेर १ लाख १८ हजार ८०० रुपैयाँ पगेको छ । त्यस्तै, आज तेजावी सुनको मूल्य प्रतितोला १ लाख १८ हजार २५० रुपैयाँ कायम गरिएको छ ।

महासंघका अनुसार आज चाँदीको मूल्य पनि तोलामा ५५ रुपैयाँले बढेर १४ सय ५५ रुपैयाँमा कारोबार भइरहेको छ ।

अन्तर्राष्ट्रिय बजारमा आज सुन प्रतिऔंस २ हजार ३१.५३ डलर र चाँदी प्रतिऔंस २३.८२ डलरमा कारोबार भइरहेको छ ।