पेट्रोल र डिजलको मूल्य १ रुपैयाँ घट्यो, ग्यासको भने यथावत

काठमाडौं । पेट्रोल, डिजल र मटीतेलको मूल्य प्रतिलिटर १ रुपैयाँले घटेको छ भने ग्यासको मूल्य यथावत राखिएको छ ।

नेपाल आयल निगमले पेट्रोल, डिजल र मट्टितेलको मूल्य प्रतिलिटर १ रुपैयाँले घटाएको हो । निगमका अनुसार भारतबाट पछिल्लो समय मूल्य घटेर आएकाले सोमबार समायोजन गरिएको हो।

मूल्य घटेपछि सोमबार राति १२ बजेदेखि काठमाडौं, पोखरा र दिपायलमा पेट्रोलको मूल्य प्रतिलिटर १६६ कायम भएको छ भने डिजेल र मट्टितेल प्रतिलिटर १५६ कायम भएको छ ।

चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्ज डिपोबाट बिक्री हुने ठाउँमा पेट्रोलको मूल्य प्रतिलिटर १६३ रुपैयाँ ५० पैसा र डिजल तथा मट्टितेल १५३ रुपैयाँ कायम भएको छ ।

सुर्खेत र दाङ क्षेत्रमा भने पेट्रोल प्रतिलिटर १६५ र डिजल तथा मट्टितेल १५५ कायम भएको छ ।