बढ्यो सुनको मूल्य, चाँदीको घट्यो

नेपाली बजारमा आज सुनको मूल्य बढेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ४०० रुपैयाँले बढेर १ लाख १८ हजार ४०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख १७ हजार ८५० रुपैयाँ कायम भएको छ ।

महासंघका अनुसार आज चाँदीको मूल्य ५ रुपैयाँले घटेर प्रतितोला १३ सय ९० रुपैयाँमा किनबेच भइरहेको छ ।

अन्तर्राष्ट्रिय बजारमा आज सुन प्रतिऔंस २ हजार २९.६३ डलरमा र चाँदी प्रतिऔंस २२.६१ डलरमा कारोबार भइरहेको छ ।