तोलामा ६ सय रुपैयाँले घट्यो सुनको मूल्य

नेपाली बजारमा आज सुनको मूल्य घटेको छ ।

नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला ६०० रुपैयाँले घटेर १ लाख १८ हजार ९०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख १८ हजार ३५० रुपैयाँ कायम भएको छ ।

महासंघका अनुसार आइतबार चाँदीको मूल्य पनि तोलामा २० रुपैयाँले घटेर १३ सय ९५ रुपैयाँमा किनबेच भइरहेको छ ।

अन्तर्राष्ट्रिय बजारमा आज सुन प्रतिऔंस २ हजार ३९.६५ डलर र चाँदी प्रतिऔंस २२.६९ डलरमा कारोबार भइरहेको छ ।