४.६४ प्रतिशतले बढ्यो सोल्टी होटलको नाफा

सोल्टी होटलले चालु आर्थिक वर्षको दोस्रो त्रैमासिक वित्तिय विवरण सार्वजनिक गरेको छ ।विवरण अनुसार होटलले दोस्रो त्रैमाससम्ममा २६ करोड ३१ लाख रुपैयाँ खुद नाफा कमाएको छ ।

गत वर्षको यसै अवधिको तुलनामा होटलको नाफा ४.६४ प्रतिशतले धेरै हो । गत वर्ष होटलले २५ करोड १४ लाख रुपैयाँ नाफा कमाएको थियो ।

होटलले यस अवधिसम्म व्यवसायबाट कुल १ अर्ब ५ करोड रुपैयाँ आम्दानी गरेको छ । जुन गत वर्षको भन्दा ३९.४४ प्रतिशतले धेरै हो । गत वर्ष होटलले ९६ करोड रुपैयाँ आम्दानी गरेको थियो । यो त्रैमासमा होटलको सञ्चालन आम्दानी पनि ३० करोड ६२ लाख रुपैयाँबाट बढेर ३१ करोड ७९ लाख रुपैयाँमा भएको छ ।

हाल होटलको चुक्ता पुँजी ८८ करोड ४७ लाख रुपैयाँ रहेको छ भने रिजर्भ कोषमा १ अर्ब ४८ करोड रुपैयाँ छ । सोल्टी होटलको प्रतिसेयर आम्दानी २ रुपैयाँ ९७ पैसामा झरेको छ । होटलको प्रतिसेयर नेटवर्थ २६ रुपैयाँ ७८ पैसा रहेको थियो ।