साल्ट ट्रेडिङ्ग कर्पोरेशन लिमिटेडले चैत २३ गते ५७ औँ वार्षिक साधारणसभा बोलाएको छ।
कम्पनीले साधारणसभामा आर्थिक वर्ष २०७९/८० को सञ्चालक समितिको प्रतिवेदन छलफल गरि पारित गर्ने, लेखापरीक्षण प्रतिवेदनसहित वित्तीय विवरणहरु पारित गर्ने, लेखापरीक्षक नियुक्ति गरि पारिश्रमिक निर्धारण गर्ने लगायत साधारण प्रस्तावहरु पेश गर्ने जनाएको छ ।
यसैगरी साधारणसभाबाट पारित गरि कम्पनीले हाल कायम चुक्ता पुँजीको १५ प्रतिशतले हुन आउने ४ करोड १८ लाख ३२ हजार ६४६ रुपैयाँ बराबरको बोनस सेयर र त्यसमा लाग्ने कर प्रयोजनका लागि ०।७९ प्रतिशतले हुन आउने २२ लाख ३९७ रुपैयाँ नगद लाभांश गरि कुल १५।७९ प्रतिशत लाभांशका रुपमा बाँड्न लागेको छ ।
कम्पनीले साधारणसभा प्रयोजनार्थ चैत ९ गतेदेखि चैत २३ गतेसम्म बुक क्लोज गर्ने जनाएको छ । अर्थात चैत ८ गतेसम्म कायम सेयरधनीले मात्र बोनस प्राप्त गर्न तथा साधारणसभामा भाग लिन सक्नेछन् ।
प्रतिक्रिया