काठमाडौं । फागु पूर्णिमा पर्वका अवसरमा काठमाडौंको एयरपोर्ट होटलले रैथाने फुड फेस्टिभल आयोजना गर्ने भएको छ ।
होटलले नेपाली संस्कृतिको संरक्षण र संस्कृतिमार्फत पर्यटन प्रवर्द्धन गर्ने उद्देश्यले तीन दिने रैथाने खाना महोत्सव आयोजना गर्न लागेको हो ।
होटलका प्रवन्ध निर्देशक विनायक शाहका अनुसार महोत्सवमा नेपाली र विदेशी दुवैखाले अतिथिको उल्लेख्य सहभागिता रहने अनुमान गरिएको छ ।
प्रतिव्यक्ति १ हजार ७९९ रुपैयाँको प्याकेजमा ग्राहकले आफूलाई मनपर्ने खाद्य तथा पेय पदार्थ उपभोग गर्न पाउनेछन् ।
शुक्रबारबाट तीन दिनसम्म सञ्चालन हुने मेलामा मास्टर सेफ गोविन्द नरसिंह खत्रीद्वारा तयार पारिएको मटन बिरयानीका साथै दाल, भात, साग, कुखुराको मासु, माछालगायतका परिकार उपलब्ध हुनेछन् ।
बिहीबार आयोजित कार्यक्रममा होटल संघका अध्यक्षसमेत रहेका शाहले मास्टर सेफ खत्रीलाई सम्मान गरेका थिए ।
प्रतिक्रिया