काठमाडौं । बिहीबार मुलुकका अधिकांश इन्टरनेट सेवा प्रदायकको सेवामा ठूलो समस्या देखिएको छ ।
अधिकांश इन्टरनेट सेवाप्रदायकको सेवामा समस्या आएको छ भने चलेका सेवामा पनि गुणस्तर छैन ।
वर्ल्डलिंक, भायनेट,सुबिसु लगायतका सेवामा बिहीबार दिउँसो ४ बजेदेखि समस्या आएको हो।
भारतीय कम्पनी एयरटेलले इन्टरनेट सवा काटिदिएको भन्दै स्थानीय सेवा अवरुद्ध भएको हो ।
इन्टरनेट सेवा प्रदायकहरुको संस्था आइस्पानले भारतको एयरटेलबाट लिएको ब्याण्डविथको एक वर्षदेखि पैसा तिर्न नपाएकाले उसले ताकेता गरिरहेको र जुनसुकै बेला इन्टरनेट अवरुद्ध हुन सक्ने बताउँदै आएको थियो ।
इन्टरनेट सेवा अवरुद्ध हुँदा २०६१ माघ१९ को जस्तै अवस्था देखिएको छ । तत्कालीन राजा ज्ञानेन्द्रले फोन र इन्टरनेट सेवा बन्द गराइ शासन हातमा लिएका थिए ।
मुलुकमा लोकतन्त्रमाथि शासकहरूबाटै आक्रमण भैरहेका बेला जुनसुकै बहानामा इन्टरनेट सेवा बन्द हुनुलाई सामान्य रूपमा लिन सकिँदैन ।
सरकारले भने आफ्नो विरुद्धका आवाज कमजोर हुने भएकाले यसलाई चासो दिएको छैन ।
प्रतिक्रिया