काठमाडौं । चालू आर्थिक वर्षको वैशाखमा ११ अर्ब २८ करोड ५७ लाख रुपैयाँ लगानी प्रतिवद्धतासहित ३८ परियोजना स्वीकृत भएका छन् ।
अघिल्लो महिना चैतको तुलनामा यो प्रतिवद्धता १०६९.५१ प्रतिशतले बढी हो ।
सरकारले लगानी सम्मेलन आयोजना गरेको यस महिनामा विदेशी लगानीका क्षेत्रमा उत्साहजक अवस्था देखिएको हो ।
उद्योग विभागका अनुसार वैशाखमा प्राप्त लगानी प्रतिवद्धता चालू आवकै सर्वाधिक समेत हो ।
आर्थिक वर्षको दशौं महिना वैशाखमा ३७ साना र एक ठूला परियोजना स्वीकृत भएका छन् ।
वैशाखसम्म वैदेशिक लगानी प्रतिवद्धता ४१ अर्ब २ करोड २ लाख २६ हजार रुपैयाँ पुगेको छ भने उद्योग दर्ता संख्या ३०७ पुगेको छ ।
यता, वैशाखबाटै कार्यान्वयनमा आएको अटोमेटिक रुट अर्थात स्वालित प्रणालीमार्फत एकै महिनामा २ अर्ब १५ करोड रुपैयाँ बराबरको लगानी स्वीकृत भएको छ यस प्रणालीमार्फत कूल २१ परियोजना स्वीकृत भएका थिए ।
प्रतिक्रिया