सुनको मूल्यमा नयाँ रेकर्ड, तोलाकै १ लाख ४४ हजार

काठमाडौँ । नेपाली बजारमा आज सुनको मूल्यले नयाँ रेकर्ड कायम गरेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १८ सय रुपैयाँले बढेर १ लाख ४४ हजार रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ४३ हजार ३०० रुपैयाँ कायम भएको छ ।

महासंघका अनुसार आज चाँदीको मूल्य पनि प्रतितोला २५ रुपैयाँले बढेर १८ सय ५० रुपैयाँमा किनबेच भइरहेको छ । बुधबार चाँदी प्रतितोला १८ सय २५ रुपैयाँमा कारोबार भएको थियो ।