काठमाडौं । कुपण्डोलको सर्वाङ्ग हस्पिटल बन्द भएसँगै साविकमा हस्पिटल रहेको भवनमा विशाल डिजाइनिङ स्टुडियो खुलेको छ । हस्पिटलको नामबाट चर्चित सर्वाङ्ग चोकमा अर्बर्न स्टुडियोको नाउँमा फर्निचर पसलसहित डिजाइनिङ स्टुडियो खुलेको हो ।
सर्वाङ्ग स्वास्थ्य सदन प्रालिको सेवा भने गत वर्षबाटै बन्द भएको थियो । आर्थिक संकटका कारण टाट पल्टिएपछि स्थापनाको ३१ वर्षपछि अस्पताल बन्द भएको हो ।
सुपरिचित चिकित्सकहरु डा. सानुमाया दली र डा. विश्वराज दलीको नेतृत्वमा सञ्चालनमा रहेको अस्पताल स्त्री तथा प्रसूती रोगको उपचारका निमित्त लोकप्रिय पनि थियो ।
नर्सिङ्ग होमको रूपमा खुलेको अस्पतालमा चौबीसै घण्टा आकस्मिक उपचारका साथै आईभीएफलगायत सम्पूर्ण सेवाहरू सञ्चालन हुँदै आएको थियो । एक सय बेडको सुविधासहित सञ्चालित अस्पताल आर्थिक मन्दीका कारण बन्द भएको हो ।
अस्पतालको भवन अहिले भाडामा लगाइएको छ । बिरामीको चाप घटेर अस्पताल बन्द हुने क्रम अन्य क्षेत्रमा पनि रहेको बताइन्छ ।
अर्बर्न डिजाइनिङ स्टुडियो आर्किटेक एन्ड डिजाइनका क्षेत्रमा स्थापित कम्पनी हो ।
प्रतिक्रिया