काठमाडौं । सार्वजनिक खरिद अनुगमन कार्यालयले १७ निर्माण कम्पनीलाई सात दिने लिखित स्पष्टीकरण सोधेको छ । कार्यालयले आज एक सूचना जारी गर्दै यी कम्पनीहरुलाई कालोसूचीमा राख्नु नपर्ने कारण भए ७ दिनभित्र स्पष्टीकरण पेश गर्न आग्रह गरेको हो ।
यसअघि यी कम्पनीहरुलाई ३० दिनको समय दिएर लिखित स्पष्टीकरण पेस गर्न भनिए पनि कम्पनीले कुनै जवाफ नदिएपछि कार्यालयले विभिन्न सार्वजनिक निकायबाट आएको सिफारीसको आधारमा ७ दिने सूचना निकालेको हो ।
तोकिएको समयभित्र लिखित स्पष्टीकरण नआएमा प्रचलित कानुन अनुसार कारबाही प्रक्रिया अघि बढाइने अनुगमन कार्यालयले बताएका छ ।
प्रतिक्रिया