ग्लोबल आइएमई बैंकको प्रमुख कार्यकारी अधिकृतमा सुरेन्द्रराज रेग्मी

काठमाडौं । ग्लोबल आइएमई बैंकको प्रमुख कार्यकारी अधिकृत (सिइओ) मा सुरेन्द्रराज रेग्मी नियुक्त भएका छन् ।


बैंक संचालक समितिको बैठकले रेग्मीलाई सिइओमा नियुक्त गर्ने निर्णय गरेको हो । उनको कार्यकाल आगामी भदौ १ गतेदेखि लागू हुनेछ ।

रेग्मी यसअघि बैंकको सिनियर डेपुटी सिईओ थिए ।
करिब तीन दशकदेखि बैंकिङ्ग क्षेत्रमा कार्यरत रेग्मी २०६५ बैशाखमा नायव प्रबन्धक तहबाट ग्लोबल आइएमई बैंकमा प्रवेश गरेका थिए ।