राष्ट्र बैंकको प्रवक्तामा रामु पौडेल, अनुसन्धान विभागमा भट्ट

काठमाडौं । नेपाल राष्ट्र बैंकको प्रवक्ताको जिम्मेवारी कार्यकारी निर्देशक रामु पौडेलले पाएका छन् । साउन १४ देखि लागु हुने गरी पौडेलले प्रवक्ताको जिम्मेवारी पाएका हुन् ।

यसअघि डा. गुणाकर भट्टले प्रवक्ताको जिम्मेवारी सम्हालेका थिए । यस्तै, भुक्तानी प्रणाली विभागका कार्यकारी निर्देशक डा.गुणाकर भट्टलाई अनुसन्धान विभागको जिम्मेवारी दिइएको छ । 

आर्थिक अनुसन्धान विभागका कार्यकारी निर्देशक डा. प्रकाशकुमार श्रेष्ठ राष्ट्रिय योजना आयोगको सदस्य नियुक्त भएसँगै उनलाई काजमा पठाउनुपर्ने भएपछि आर्थिक अनुसन्धान विभागको जिम्मेवारी हेरफेर भएको हो ।