चितवनको टाँडीमा भाटभटेनीको २९ औं स्टोर, बेसमेन्टसहित सात तलाको हुने

काठमाडौं । भाटभटेनी सुपरमार्केट्सले चितवनमा २९औँ स्टोर सञ्चालनमा ल्याउने भएको छ । चितवनको टाँडीस्थित शान्ति चोकमा भाटभटेनी बन्ने भएको हो । भाटभटेनीका अध्यक्ष मीनबहादुर गुरुङले बुधबार भूमी पूजन गरेसँगै निर्माणकार्य सुरु भएको जनाइएको छ ।

टाँडीको भाटभटेनी १४ महिनाभित्रमा सञ्चालनमा आउने बताइएको छ । एक तलामा ४६ हजार स्क्वायर फिट रहने तथा नयाँ स्टोरमा करिब पाँच सयले रोजगारी प्राप्त गर्ने जनाइएको छ ।

यसअघि चितवनकै भरतपुरमा भाटभटेनीको अर्को स्टोर भने दशक पहिल्यै सञ्चालनमा आइसकेको छ ।