सुनको मूल्यमा नयाँ रेकर्ड, तोलाकै १ लाख ५६ हजार ८०० रुपैयाँ

काठमाडौं । नेपाली बजारमा आज सुनको मूल्यले नयाँ रेकर्ड बनाएको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ५०० रुपैयाँले बढेर १ लाख ५६ हजार ८०० रुपैयाँमा कारोबार भइरहेको छ । यसअघि भदौ २८ गते छापावाल सुन प्रतितोला १ लाख ५६ हजार ३०० रुपैयाँमा कारोबार भएको थियो ।

आज चाँदीको मूल्य पनि प्रतितोला ४० रुपैयाँले बढेर १९ सय रुपैयाँ कायम भएको छ । शुक्रबार चाँदी प्रतितोला १८ सय ६० रुपैयाँमा किनबेच भएको थियो ।