काठमाडौं । अग्रज पर्यटन व्यवसायी बसन्तराज मिश्रको आइतबार निधन भएको छ ।
७३ वर्षिय मिश्रलाई डेंगु संक्रमण भएपछि अघिल्लो साता नर्भिक अस्पतालमा भर्ना गरिएको थियो । मिश्रको उपचारकै क्रममा निधन भएको हो ।
मिश्रका श्रीमती, एक छोरा र एक छोरी छन् ।
मिश्रको शव बिहान १० बजेदेखि दिउँसो १ बजेसम्म श्रद्धाञ्जलीका लागि ललितपुर कुपोन्डोलस्थित उनकै निवासमा राखिने छ ।
त्यसपछि पशुपति आर्यघाटमा दाहसंस्कार गरिने कार्यक्रम रहेको छ ।
मिश्र साढे पाँच दशकदेखि पर्यटन व्यवसायमा संलग्न थिए । नवलपरासीमा टेम्पल टाइगर ग्रिन जंगल रिसोर्ट, भेन्चर ट्राभल, ठमेलमा अपार्टमेन्ट लगायत व्यवसाय उनको नेतृत्वमा स्थापना भएका हुन् ।
प्रतिक्रिया