काठमाडौं । कुलमान घिसिङले आफूलाई नेपाल विद्युत् प्राधिकरणको प्रबन्ध निर्देशकमा पुनर्वहालीको माग गर्दै सर्वोच्च अदालतमा रिट दर्ता गराएका छन् ।
घिसिङले बुधबार रिट दर्ता गर्न खोजे पनि समयअभावका कारण दर्ता हुन सकेको थिएन भने बिहीबार दर्ता भएको हो । उनको रिटमाथि शुक्रबार पहिलो सुनुवाई हुनेछ ।
आफूलाई गैरकानुनी रुपमा पदमुक्त गरिएको दावी गर्दै घिसिङले पेस गरेको रिटमा प्रधानमन्त्री केपी शर्मा ओली, ऊर्जामन्त्री दीपक खड्का तथा प्राधिकरणका नवनियुक्त कार्यकारी निर्देशक हितेन्द्रदेव शाक्यलाई विपक्षी बनाएएको छ ।
यस्तै, मन्त्रिपरिषद् कार्यालय, ऊर्जा तथा जलस्रोत मन्त्रालय, नेपाल विद्युत् प्राधिकरण सञ्चालक समितिलाई पनि विपक्षी बनाइएको जनाइएको छ ।
घिसिङले आफूले कुनै गल्ती, त्रुटी नगरेको अवस्थामा सरकारले बदनियतका साथ स्पष्टीकरण सोधिएको र गलत ढंगले पदमुक्त गरेको भनी रिट निवेदनमा उल्लेख गरेका छन् ।
प्रतिक्रिया