फलोअप: बालेनले दिएको समयसीमा सकियो; कर्मचारीले तलब पाएनन्, कोको गाडिए त टुकुचामा ? 

काठमाडौं । ‘अबको एक हप्तामा हाम्रो कर्मचारीले तलब पाएन भने सबैलाई टुकुचामा गाडदिन्छु !’ भन्दै सामाजिक सञ्जालमा बालेन शाहले चैत ११ गते लेखेका थिए ।

उनले दिएको समयसीमा सकिइसक्यो । मंगलबार एक हप्ता र थप दुई दिन बितिसकेको छ ।

यसबीचमा राजावादी आन्दोलन लक्षित अर्को पोष्ट मेयर शाहको नामबाट भैसकेको छ भने पूर्वराजा ज्ञानेन्द्र शाहलाई जरिबाना पत्र काटेका कारण उनी चर्चामै छन् ।

तर, महानगरका कर्मचारीले तलब पाएका छैननन् र पूर्वघोषणा अनुसमर उनले टुकुचामा कसैलाई गाडेका पनि छैनन् ।

काठमाडौं महानगरपालिकाका मेयर बालेन शाहले कार्यकारी प्रमुख नियुक्ति संघीय सरकारले रोक्दा आफ्ना कर्मचारीले तलब नपाएको भन्दै एक हप्ताभित्र तलब नपाए टुकुचामा गाड्ने धम्की दिएका थिए ।

उनले लेखेका थिए- 

काठमाडौं महानगरपालिकाको सरसफाई कर्मचारीले बिगत ३ महिना देखी तलब पाको छैन, सरकारको दम्भले !

को कोले के के आन्दोलन गर्ने हो, मलाई थाह छैन , अबको एक हप्तामा हाम्रो कर्मचारीले तलब पाएन भने सबैलाई टुकुचामा गाडदिन्छु ! 

त्यो पछी हेरौँला तिमी हरुको के के तन्त्र हो!!