पियोर इनर्जीको आइपीओ बाँडफाँट

काठमाडौं । पियोर इनर्जी लिमिटेडको आइपीओ बाँडफाँट भएको छ । गोलाप्रथामार्फत भएको बाँडफाँटमा १ लाख १९ हजार ५२० जनाले १० कित्ताका दरले सेयर पाएका छन् ।

आइपीओमा १८ लाख ५४ हजार ४९७ जनाले आवेदन दिएका थिए । जसमध्ये १८ लाख ४६ हजार ६६४ जनाको आवेदन स्वीकृत बिक्री प्रबन्धक नबिल इन्भेष्टमेन्ट बैंकिङले जनाएको छ ।


पियोर इनर्जीले चैत २८ गतेदेखि वैशाख २ गतेसम्म प्रतिकित्ता १०० रुपैयाँका दरमा ११ करोड ९५ लाख २० हजार रुपैयाँ बराबरको ११ लाख ९५ हजार २०० कित्ता सेयर सर्वसाधारणको लागि बिक्री खुला गरेको थियो ।


आइपीओको नतिजा पियोर इनर्जीको वेबसाइट, बिक्री प्रबन्धकको वेबसाइट, सीडीएस एन्ड क्लियरिङ लिमिटेडले आइपीओ नतिजा हेर्न बनाएको वेबसाइट https://iporesult.cdsc.com.np/ र मेरोसेयर एपमार्फत हेर्न सकिनेछ ।