टाटा मोटर्सको नेपालका लागि आधिकारिक वितरक सिप्रदी ट्रेडिङ प्रा.लि. ले “७.७ डिल्स लाइक नेभर विफोर” नामक विशेष अफर सार्वजनिक गरेको छ । असार १९ देखि २३ गतेसम्म (जुलाई ३ देखि ७ जुलाईसम्म) सञ्चालन हुने यो पाँचदिने कार्यक्रम अन्तर्गत ग्राहकहरूले पुराना गाडी साटेर नयाँ टाटा इभीहरूमा आकर्षक सुविधा पाउनेछन् ।
कार्यक्रम अन्तर्गत नेपालमा लोकप्रिय रहेका टियागो.इभी, पन्च.इभी, नेक्सन के ३.इभी र कभ.ईभी साटासाट (एक्सचेन्ज) तथा खरिद गर्न सकिनेछ । जुनसुकै ब्रान्डका पुराना गाडी साटेर टाटाका अत्याधुनिक प्रविधियुक्त विद्युतीय गाडी खरिद गर्दा ग्राहकहरूले विशेष लाभ लिन सक्नेछन् ।
यस अफरमार्फत, प्रत्येक गाडी खरिदमा एक जोडीका लागि थाइल्याण्ड भ्रमण प्याकेज, एक वर्षको अटोप्लस बीमा, दुई आर्थिक वर्षको सवारी कर, एक्सेसोरिज, चार्जिङ बक्ससहितको जडान, एम्बोस्ड नम्बर प्लेट र वारेन्टी अवधिभर चार्जिङ सेवा जस्ता सुविधा निःशुल्क प्रदान गरिनेछ ।
साथै, कार्यक्रम अवधिभर नेपालभर रहेका टाटा मोटर्सका आधिकारिक शोरुमहरूमा अवलोकन, टेस्ट ड्राइभ, बुकिङ र मूल्यांकनका क्रममा ग्राहकलाई आकर्षक उपहार प्रदान गरिने कम्पनीले जनाएको छ । विशेषगरी, एक जना भाग्यशाली ग्राहकले बम्पर पुरस्कारस्वरूप थाईल्याण्ड ट्रिप जित्ने अवसर समेत पाउने छन् ।
सिप्रदी ट्रेडिङले विद्युतीय सवारीको प्रयोगलाई प्रोत्साहित गर्दै ग्राहक–मैत्री अफरहरू प्रस्तुत गर्ने प्रतिबद्धता व्यक्त गरेको छ । कम्पनीका अनुसार, “७.७ डिल्स लाइक नेभर विफोर” कार्यक्रम उपभोक्ताको आवश्यकतालाई केन्द्रमा राखेर ल्याइएको हो, जसले विद्युतीय गाडी खरिदमा मूल्यवर्धन र सन्तुष्टि दिनेछ ।
टाटा मोटर्समा चासो राख्ने इच्छुक ग्राहकहरूलाई समयमै नजिकको शोरुममा सम्पर्क गर्न कम्पनीले अनुरोध गरेको छ, किनभने यो अफर सीमित अवधिसम्म मात्र लागू हुनेछ ।
प्रतिक्रिया