काठमाडौं । प्रधानमन्त्री केपी शर्मा ओलीले पूर्वप्रधानमन्त्री पुष्पकमल दाहाललाई आफू प्रधानमन्त्री हुँदा कीर्तिपुर मैदानबारे केही काम नगरेको भन्दै कटाक्ष गरेका छन् ।
सोमबार संसदमा दाहालले कीर्तिपुर क्रिकेट मैदानको काम समयमै सम्पन्न नभएको भन्दै प्रश्न गरेपछि फेसबुकबाट जवाफ फर्काउँदै ओलीले कीर्तिपुरमा भैरहेको काम हेर्न भनेका छन् ।
“तपाईं प्रधानमन्त्री हुँदा कुनै पनि कामलाई टाइमलाइन तोकेर गर्छु भन्नु भएन र तपाईंले केही गर्नु पनि परेन र गर्नु पनि भएन,” ओलीले भनेका छन्, “सरकारको कामबारे तथ्यतथ्यांक राखेर तपाईंले प्रधानमन्त्रीको रुपमा जवाफ पनि दिनु परेन। तपाईंका त न कुनै वाचा, न कुनै निर्णय, न कुनै संकल्प, न कुनै काम ।”
ओलीले दावी गर्दै भनेका छन्, “मैले त दिन तोकेर गर्छु भनें, आफैंमाथि प्रश्न आह्वान गरें र काम पनि गरें । तपाईंले जर्जर छोडेको अर्थतन्त्र अहिले कहाँ पुग्यो, तथ्याङ्क हेर्नुस् भन्ने सुझाव दिन चाहन्छु ।”
हेरौं ओलीको यो पोष्ट
प्रतिक्रिया