काठमाडौं । लक्ष्मी ग्रुप अन्तर्गतको लक्ष्मी ई-मोबिलिटी प्रालिले नेपाली बजारमा हालै भित्र्याएको फोर्थिङ फ्राइडेमा “फ्राइडे टु फ्राइडे, २०२५-२०३०” नामक विशेष पाँच वर्षे योजना घोषणा गरेको छ।
यस अफरअन्तर्गत ग्राहकहरूले निःशुल्क अटो प्लस इन्स्योरेन्स पाँच वर्षका लागि, निःशुल्क सर्भिस सुविधा छ वर्षसम्म, र प्रत्येक खरिदमा ७ किलोवाट क्षमताको घरमै चार्जिङ समाधान प्राप्त गर्नेछन्। यसले EV स्वामित्वलाई थप सुरक्षित, किफायती र सुविधाजनक बनाउने अपेक्षा गरिएको छ।
लक्ष्मी ई-मोबिलिटीका प्रतिनिधिले बताएअनुसार, “फ्राइडे टु फ्राइडे अफर नेपाली ग्राहकलाई दीर्घकालीन मूल्य दिने अभिप्रायले ल्याइएको हो। यसले नेपालमा दिगो गतिशीलताको स्वीकृति बढाउने मात्र नभई, ग्राहकमा ब्रान्डप्रतिको विश्वास पनि मजबुत गर्नेछ।”
फोर्थिङ फ्राइडेले यो अफरसँगै आफूलाई नवप्रवर्तन, ग्राहक–केन्द्रित अनुभव र उच्चतम सुरक्षामा समर्पित प्रिमियम EV ब्रान्डका रूपमा स्थापित गर्ने प्रयास गरेको छ।
यसले नेपालको EV बजारमा प्रतिस्पर्धा थप तीव्र बनाउने अपेक्षा गरिएको छ।
प्रतिक्रिया