तुइनखोलामा फेरि पहिरो: ३० मिनेटमै हटाइसक्ने सडक डिभिजनको दावी

काठमाडौं । मुग्लिन–नारायणगढ सडक फेरि अवरुद्ध भएको छ । मंगलबार साँझ साढे ७ बजे तुइन खोला पुलनजिकै माथिबाट लेदो खस्दा सडक अवरुद्ध भएको सडक डिभिजन भरतपुरले जनाएको छ ।

लेदोसहितको पहिरोले गर्दा दुईतर्फी यातायात सञ्चालनमा बाधा पुगेको छ । सडक डिभिजन भरतपुरका अनुसार, अवरोध हटाउनका लागि आवश्यक मेसिन पहिरो खसेको स्थानमा पुगिसकेका छन् ।

साँझ ८ बझे पुगेका मेसिनले ३० मिनेटमा पहिरो पन्छाइसक्ने डिभिजनको दावी छ ।