एकैदिन ८ हजार एक सयले बढ्यो सुनको मूल्य, तोलाको २ लाख ४८ हजार ५००

काठमाडौं । नेपाली बजारमा आज सुनको मूल्यले नयाँ रेकर्ड कायम गरेको छ ।

नेपाल सुनचाँदी व्यवसायी महासंघका अनुसार आज सुन प्रतितोला ८ हजार १०० रुपैयाँ बढेर २ लाख ४८ हजार ५०० रुपैयाँ पुगेको छ । यो हालसम्मकै उच्च मुल्य हो । सोमबार सुन प्रतितोला २ लाख ४० हजार ४०० रुपैयाँमा कारोबार भएको थियो ।

त्यस्तै आज चाँदीको मूल्यले पनि नयाँ रेकर्ड बनाएको छ । सोमबार प्रतितोला ३ हजार २२० रुपैयाँमा कारोबार भएको चाँदी आज ३ हजार ३२५ रुपैयाँमा कारोबार भइरहेको छ ।