दुई महिनामा भित्रियो ३ खर्ब ५२ अर्ब रेमिट्यान्स

काठमाडौँ । चालु आर्थिक वर्षको दुई महिना (साउन र भदौ) मा रेमिट्यान्स ३३.१ प्रतिशतले बढेको छ । नेपाल राष्ट्र बैंकले सार्वजनिक गरेको तथ्याङ्क अनुसार साउन र भदौमा ३ खर्ब ५२ अर्ब ८ करोड रेमिट्यान्स भित्रिएको हो ।

अघिल्लो वर्षको सोही अवधिमा रेमिट्यान्स १५.८ प्रतिशतले बढेको थियो ।

त्यस्तै, भदौ महिनामा मात्रै १ खर्ब ७४ अर्ब ६७ करोड रेमिट्यान्स भित्रिएको छ ।

भदौसम्ममा वैदेशिक रोजगारीका लागि अन्तिम श्रम स्वीकृति लिने नेपालीको सङ्ख्या ९० हजार १ सय ९८ र पुनः श्रम स्वीकृति लिनेको सङ्ख्या ४५ हजार ८ सय ८४ रहेको छ । गत आवको सोही अवधिमा यस्तो सङ्ख्या क्रमशः ७६ हजार ४ सय ८५ र ४० हजार ५ सय ८३ रहेको थियो ।