काठमाडौं। अनरले नेपालमा आफ्नो नयाँ स्मार्टफोन अनर एक्स९ डी सार्वजनिक गरेको छ।
शक्तिशाली प्रदर्शन, उत्कृष्ट मजबुती र उच्चस्तरीय विश्वसनीयताका लागि डिजाइन गरिएको अनर एक्स९डी आधुनिक प्रयोगकर्ताको आवश्यकता पूरा गर्न तयार गरिएको स्मार्टफोन हो।
यस सेग्मेन्टमा प्रयोगकर्ताको अपेक्षालाई नयाँ स्तरमा पुर्याउने क्षमतासहित अनर एक्स९डी प्रस्तुत गरिएको कम्पनीले जनाएको छ।
अनर एक्स-डीमा २.५ मिटर ड्रप रेसिस्टेन्स, उद्योगमै अग्रणी आईपी६९के रेटिङ, लामो समयसम्म चल्ने ८३०० एमएएच क्षमताको ठूलो ब्याट्री तथा प्रत्येक क्षणलाई स्पष्ट र जीवन्त रूपमा कैद गर्ने १०८एमपी उच्च रेजोलुसन क्यामेरा जस्ता विशेषता समावेश छन्। यी सबै विशेषताले नवप्रवर्तन, मजबुती र उत्कृष्ट प्रदर्शनको सन्तुलन प्रदान गर्छन्।
अनर एक्स-डी दुई भेरियन्टमा उपलब्ध हुने कम्पनीले जनाएको छ। यसअनुसार ८जीबी र्याम र २५६ जीबी स्टोरेज भएकोलाई ५४ हजार ९९९ र १२जीबी र्याम र २५६ जीबी स्टोरेज भएकोलाई ५९ हजार ९९९ रुपैयाँ पर्नेछ।
अनरले ग्राहकहरूका लागि आकर्षक प्रि–बुकिङ अफर सार्वजनिक गरेको छ। प्रि–बुकिङ अवधि २०२६ जनवरी २३ देखि जनवरी २८ सम्म रहनेछ, जसअन्तर्गत प्रारम्भिक ग्राहकहरूले विशेष लाभहरू प्राप्त गर्न सक्नेछन्।
यस अफरअन्तर्गत प्रि–बुकिङ गर्ने ग्राहकहरूले र १५ हजार ९९९ मूल्य बराबरको अनर च्वाइस वाच २ प्रो निःशुल्क प्राप्त गर्नेछन्। साथै, २० हजार मूल्य बराबरको १ वर्षे सेवा सुविधा पनि उपलब्ध गराइनेछ, जसमा स्क्रिन रिप्लेसमेन्ट, ब्याक रिप्लेसमेन्ट तथा पानीबाट हुने क्षतिको मर्मत समावेश छ।
एक जना भाग्यशाली प्रि–बुकिङ ग्राहकले ५८ लाख ९९ हजार ९९९ मूल्य बराबरको नयाँ दिपल एस०५ कार जित्ने अवसर पनि पाउनेछन्।
प्रतिक्रिया