काठमाडौं । नेपाल विमा प्राधिकरणले आधा दर्जनभन्दा बढी बिमा कम्पनीसहित एक प्रमुख कार्यकारी अधिकृतलाई कारबाही गरेको छ ।
प्राधिकरणले बिमा ऐन २०७९ तथा प्राधिकरणबाट जारी भएका निर्देशनहरुको पालना नगरेको भन्दै कारबाही गरेको हो ।
प्राधिकरणको कारबाही भोग्नेमा नेपाल पुनर्बिमा तथा हिमालयन रि दुवै पुनर्बिमा कम्पनी रहेका छन् । नेपाल पुनर्बिमाका प्रमुख कार्यकारी अधिकृत सुरेन्द्र थापा पनि कारबाहीमा परेका छन् ।
यस्तै, एलियन्ट रिइन्स्योरेन्स ब्रोकर्स प्रालिलाई प्राधिकरणले तीन महिनाका लागि निलम्बन गरेको छ ।
प्राधिकरणबाट कारबाहीमा परेका अन्य बिमा कम्पनीहरुमा हिमालयन लाइफ इन्स्योरेन्स, नेको इन्स्योरेन्स, ओरिएन्टल इन्स्योरेन्स, एसियन लाइफ इन्स्योरेन्स, नेपाल लाइफ इन्स्योरेन्स रहेका छन् ।
प्रतिक्रिया