देशैभरका निजामती कर्मचारीको सरुवा तथा काज सरुवा रोकियो

काठमाडौं । देशभरका निजामती कर्मचारीहरुको सरुवा रोकिएको छ । संघीय मामिला तथा सामान्य प्रशासन मन्त्रालयले शुक्रबार सूचना जारी गर्दै कर्मचारीहरुको सरुवा तथा काज सरुवा रोकिएको जनाएको हो ।

निजामती कर्मचारीहरुको आधिकारिक ट्रेड युनियनको निर्वाचनका कारण सरुवा तथा काज सरुवा रोकिएको जनाइएको छ । निजामती कर्मचारीहरुको आधिकारिक ट्रेड युनियन निर्वाचन आचार संहिता २०७७ जारी भएकोले सरुवा रोकिएको हो ।

आधिकारिक ट्रेड युनियनको निर्वाचन असोज २४ गते हुँदैछ । सो निर्वाचन सम्पन्न नभएसम्म सरुवा तथा काज सरुवा रोकिएको मन्त्रालयले जनाएको छ ।